|
Forum
Tchat rényoné
Vos sorties
Annuaire de sites
zinfo lokal
Proverbes reunionnais
(la lang na pwin lo zo)
Le site en deux trois mots
(pou di kissa nou lé)
Kozé maternel'
Kozé maternel, kozé en mouvman
Na pi'd barièr souvnir mizèr
Mé kozé momon, kozé lontan
La gou l'amour la vie ek la limièr
Na dé foi La terr' na z'insomnie
Mé i less bann racine sort par en haut
Kan la plui i ravage a lu
Bourgeon vanille germé ek rozé do lo
Pangar' Alzaïmèr i vérouy ton mémoir
Pangar' lo sale i effas l'ancr' noir
Lès pa gramoun' baré san kozé
Lès pa zénès ignor' son passé
Zarboutan tienbo la kaz
Boi madrié' tenon-mortez clouté
In vié baro rouyé pou fé baraz
Sou corbeille d'or poc-poc amayé
Pilon gran mèr coté 'rozoir
Moulin maï oublié dann fénoir
Kom zerb mouyé apré la plui'
Fodré' k' nout mémoir i rafraishi
En bénédiction lombraz in ravnal
Oubyin liann pié banian sové tressé
Si somin blaké i descand' vertical
Pou revendik son l'éternité
Parské... kozé maternel, parol mouvman Na pi'd barièr souvnir mizèr Mé kozé momon, kozé lontan. (gil)
|